The news is by your side.

Advertisement

لاہور ہائی کورٹ کا نیشنل ہائی وے اتھارٹی کو نوٹس جاری

لاہور: نارووال شکرگڑھ روڈ تعمیر نہ کرنے سے متعلق کیس کی سماعت کے دوران لاہور ہائی کورٹ نے نیشنل ہائی وے اتھارٹی کو نوٹس جاری کرتے ہوئے جواب طلب کر لیا۔

تفصیلات کے مطابق نارووال شکرگڑھ روڈ تعمیر نہ کرنے سے متعلق کیس کی سماعت کے دوران عدالت نے ڈی جی نیب سے اسفسار کیا کہ ماتحت شعبے میں ڈیزائنگ کا شعبہ ہے جو ایسے معاملہ چیک کرسکے جس پر انہوں نے جواب دیا کہ ہم ایسے معاملات میں یو ای ٹی سے مشاورت کرتے ہیں۔

چیف جسٹس لاہور ہائی کورٹ نے ریمارکس دیے کہ سڑک کی تعمیر کے وقت مناسب ڈیزائن نہیں بنایا گیا،جن لوگوں نے دانستہ ایسا کیا کیا ان پر دباؤ تھا؟کیا اس طرح سڑک کی تعمیر مناسب تھی۔

ایڈیشنل ایڈووکیٹ جنرل نے عدالت میں سماعت کے دوران بتایا کہ روڈ تعمیر کرنا نیشنل ہائی وے کا کام ہے۔عدالت نے ڈی جی نیب کو جامع رپورٹ دینے کے لیے 4 ہفتےکی مہلت دے دی۔

بعدازاں لاہور ہائی کورٹ نے نیشنل ہائی وے اتھارٹی کو نوٹس جاری کرتے ہوئے کیس کی سماعت 29 ستمبر تک ملتوی کر دی۔

Comments

یہ بھی پڑھیں