The news is by your side.

Advertisement

لاہور ہائی کورٹ نے پی ایم ڈی سی کی 2019 کی داخلہ پالیسی بحال کر دی

لاہور: لاہور ہائی کورٹ نے پاکستان میڈیکل اینڈ ڈینٹل کونسل (پی ایم ڈی سی) کی 2019 کی داخلہ پالیسی بحال کرتے ہوئے دہری شہریت کے حامل طلبہ کے میڈیکل کالجوں میں اوپن میرٹ پر داخلے کرنے کا حکم دے دیا۔

تفصیلات کے مطابق آج لاہور ہائی کورٹ میں پی ایم ڈی سی کی داخلہ پالیسی کیس کی سماعت ہوئی، جسٹس عائشہ اے ملک کی سربراہی میں 2 رکنی بینچ نے سنگل بینچ کا سابقہ فیصلہ کالعدم قرار دے دیا۔

اے آر وائی نیوز کے نمایندے کے مطابق لاہور ہائی کورٹ کا تحریری فیصلہ 9 صفحات پر مشتمل ہے، تحریری فیصلے میں کہا گیا ہے کہ پی ایم ڈی سی پالیسی میں ترامیم کا اختیار رکھتی ہے، دہری شہریت کے حامل میڈیکل کے طلبہ کے کوٹے کے تحت داخلے نہ کرنے کا پی ایم ڈی سی کا فیصلہ درست ہے، میڈیکل کالجز میں نئے داخلے 2019 کی پالیسی کے تحت ہوں گے۔

یہ بھی پڑھیں:  پی ایم ڈی سی آرڈیننس کی واپسی کا فیصلہ نیا قانون تشکیل دینے کے لیے کیا: ترجمان

واضح رہے کہ دہری شہریت کے حامل میڈیکل کے طلبہ نے پی ایم ڈی سی کی نئی پالیسی کو لاہور ہائی کورٹ میں چیلنج کیا تھا، سنگل بنچ نے پی ایم ڈی سی کا کوٹہ سسٹم کے تحت داخلے ختم کرنے کا اقدام کالعدم کر دیا تھا، جس پر پی ایم ڈی سی نے سنگل بنچ کے فیصلے کے خلاف انٹرا کورٹ اپیل دائر کر رکھی تھی۔

fb-share-icon0
Tweet 20

Comments

comments

یہ بھی پڑھیں