پنجاب کے دارالحکومت لاہور میں شوہر نے گھریلو جھگڑے پر بیوی کو سر پر پتھر مار کر قتل کردیا۔
تفصیلات کے مطابق لاہور کے علاقے کوٹ لکھپت میں گھریلو ناچاقی کے باعث شوہر نے بیوی کو قتل کردیا، 30 سالہ مقتولہ فرحانہ کو اس کے شوہر نے جھگڑے کے دوران غصے میں آ کر سر میں پتھر مار کر قتل کیا۔
پولیس کا کہنا ہے کہ ملزم کو گرفتار کرلیا گیا ہے جبکہ لاش کو پوسٹ مارٹم کے لیے اسپتال بھجوادیا گیا ہے، پولیس کا کہنا ہے کہ ملزم کے خلاف مقدمہ درج کرکے مزید کارروائی کی جارہی ہے۔
ایس پی ماڈل ٹاؤن کا کہنا تھا کہ قانون کو ہاتھ میں لینے والے کسی رعایت کے مستحق نہیں ہے، جائے وقوعہ سے شواہد اکٹھے کر کے تفتیش کا آغاز کر دیا گیا ہے۔
گزشتہ ماہ پنجاب کے دارالحکومت لاہور میں بیوی کو گلا دبا کر قتل کر کے لاش جلانے والے سفاک شوہر اور سوتن کو 12 گھنٹے میں گرفتار کرلیا گیا۔
ملزم نذیر کی 20 سال قبل مقتولہ نجمہ سے شادی ہوئی تھی، جس سے دو بیٹے ہیں، ملزم 3 سال قبل دوسری شادی کر کے کرائے کے گھر میں رہنے لگا تھا، گھریلو ناچاقی پر ملزم نے خاتون کو بے دردی سے قتل کیا اور لاش کو جلا کر فرار ہوگیا تھا۔
