لاہور میں کیفے پر لڑکی کو ہراساں کرنے سے روکنے پر امیر زادے نے عملے پر فائرنگ کردی۔
اے آر وائی نیوز کے مطابق لاہور کے علاقے جوہر ٹاؤن میں امیر زادے نے کیفے کے عملے پر فائرنگ کی جس کی ویڈیو منظرعام پر آگئی۔
پولیس کے مطابق دو ملزمان کالے رنگ کے ویگو ڈالے میں آئے تھے، واقعے کا مقدمہ درج کرلیا گیا ہے۔
کالے شیشوں والے ویگو ڈالے پر جعلی نمبر پرلیٹ لگی ہوئی ہے۔
پولیس حکام کا کہنا ہے کہ کیفے کے عملے پر فائرنگ سے سیکیورٹی گارڈ زخمی ہوا ہے۔
