فضائی آلودگی کے حوالے سے لاہور دنیا کے آلودہ ترین شہروں میں پہلے نمبر پر آگیا۔
تفصیلات کے مطابق لاہور کے علاقہ گلبرگ میں ایئرکوالٹی انڈیکس کی شرح سب سے زیادہ تین سو پینتیس ریکارڈ کی گئی ڈیفنس میں ایئرکوالٹی انڈیکس دو سو اکہتر اورماڈل ٹاؤن میں دو سو اکتیس ریکارڈ کی گئی۔
لاہور میں فضائی آلودگی سے گلے، آنکھ اور سانس کی بیماریوں میں اضافہ ہورہا ہے ، طبی ماہرین نے مشورہ دیا ہے کہ شہری ماسک اورگلاسز کا استعمال کریں۔
لاہور میں سردیوں کے دوران اسموگ کا مسئلہ کئی برسوں سے ہے لیکن اب کراچی بھی آلودہ ترین شہروں میں شامل ہوگیا ہے۔
کچھ عرصہ پہلے تک چین کا دارالحکومت بیجنگ دنیا کے آلودہ ترین شہروں میں شامل تھا لیکن چینی حکومت نے منصوبہ بندی کے ذریعے اس مسئلے پر قابو پا لیا۔