لاہور : این اے ایک سوبائیس پر ضمنی انتخاب کےمعرکے کیلئے ن لیگ اور پی ٹی آئی کی انتخابی مہم زوروشورسے جاری ہے، آج مسلم لیگ ن کی جانب سےبھی ریلی نکالی جائےگی.
گیارہ اکتوبر کو این اےایک سو بائیس لاہور میں ضمنی انتخاب کا معرکہ ہوگا،جس کے لئے انتخابی سرگرمیوں میں تیزی آگئی ہے، لیگی امیدوار سردار ایازصادق اور پی ٹی آئی امیدوارعلیم خان کے ووٹرز سے مسلسل رابطے میں ہیں.
تحریک انصاف کی ریلیوں کے جواب میں آج مسلم لیگ ن حمزہ شہباز کی قیادت میں ریلی نکالے گی، جس کے انتظامات مکمل کرلیے گئے، ریلی میں لیگی متوالے عوامی طاقت کا مظاہرہ کریں گے.
دوسری جانب تحریک انصاف کو سمن آباد ڈونگی گراؤنڈ میں چار اکتوبر کےجلسے کی اجازت بھی مل چکی ہے جبکہ مسلم لیگ ن نو اکتوبر کو سیاسی میدان سجائے گی، شہر میں جگہ جگہ امیدواروں کی تصاویر اور کثیر سرمائے سے بنائے گئے بینرز لگے ہیں، جو الیکشن کمیشن کے ضابطوں کی کھلی خلاف ورزی کا منہ چڑا رہی ہے۔
0
20
