The news is by your side.

Advertisement

لاہور: سیشن کورٹ کے احاطے میں فائرنگ‘ نوجوان قتل

لاہور: صوبہ پنجاب کے دارالحکومت لاہور میں سیشن کورٹ کے احاطے میں نامعلوم افراد نے فائرنگ کرکے نوجوان کو قتل کردیا۔

تفصیلات کے مطابق لاہور کی سیشن کورٹ میں تین موٹرسائیکل سواروں نے فائرنگ کرکے نوجوان کو قتل کردیا، ملزمان جائے وقوعہ سے باآسانی فرار ہونے میں کامیاب ہوگئے۔

پولیس حکام کے مطابق فائرنگ سے جاں بحق ہونے والے نوجوان کی شناخت بلال عظیم کے نام سے ہوئی ہے جو مغل پورہ کا رہائشی تھا۔

مقتول بلال ایڈیشنل سیشن جج کی عدالت میں پسند کی شادی کے کیس کے سلسلے میں پیشی پرآیا تھا۔

سیشن جج شاہد بیگ نے فائرنگ کا نوٹس لیتے ہوئے پولیس حکام سے رپورٹ طلب کرلی، انہوں نے کہا کہ غفلت کے مرتکب اہلکاروں کے خلاف کارروائی کی جائے گی۔

لاہور: سیشن کورٹ کے احاطے میں فائرنگ‘ 2 وکیل جاں بحق

یاد رہے کہ گزشتہ سال 20 فروری کو سیشن کورٹ میں وکلا کے دو گروپوں میں تلخ کلامی کے بعد فائرنگ کے نتیجے میں 2 وکیل جاں بحق ہوگئے تھے۔

پولیس نے فائرنگ کرنے کے الزام میں کاشف راجپوت نامی وکیل کو حراست میں لے لیا تھا۔

لاہور: احاطہ عدالت میں فائرنگ، قتل کا ملزم اورپولیس اہلکار ہلاک

اس سے قبل یکم فروری 2018 کو لاہور کی سیشن عدالت میں دن دھاڑے وکیل کے روپ میں عدالت آنے والے قاتلوں نے فائرنگ کرکے ملزم اور ایک پولیس اہلکار کو قتل کردیا تھا۔

Comments

comments

یہ بھی پڑھیں