لاہور: مسلسل کئی روز تک دنیا کے آلودہ ترین شہروں میں سرفہرست رہنے کے بعد آج لاہور ٹاپ ٹین لسٹ سے خارج ہوگیا ہے۔
تفصیلات کے مطابق گلبرگ میں ائیر کوالٹی انڈیکس انڈیکس کی شرح سب سےزیادہ 313 ریکارڈ کی گئی جبکہ جوہرٹاؤن میں 250، ماڈل ٹاؤن میں 185 ریکارڈ کی گئی۔
یاد رہے آلودگی پر قابو پانے کے لیے پنجاب حکومت نے لاہور میں سرکاری، نجی اسکول اور نجی کمپنیاں 3 روز بند رکھنے کی ہدایت جاری کی تھی، ملازمین کو گھروں سے کام کرنے کا کہا تھا۔
لاہور گزشتہ کئی روز سے ائیر کوالٹی انڈیکس پر دنیا کا پہلا آلودہ ترین قرار دیا جا رہا تھا۔