لاہور: حکومت کی نااہلی کے باعث پٹرول بحران نے ایک بار سر اٹھالیا، لاہور میں پٹرول کی قلت سے عوام پریشان ہوگئے۔

اے آر وائی نیوز کے نمائندہ لاہور احمر کھوکھر نے بتایا کہ شہر کے پچاس فیصد پمپس پر پٹرول نہیں مل رہا، جن پمپس پر مل رہا ہے وہاں پٹرول کا ذخیر تھوڑا رہ گیا ہے۔

رپورٹر کے مطابق ہر شہری کو پٹرول دینے کے لیے مختلف پمپس پر 100 روپے سے مالیت کا پٹرول نہیں دیا جارہا کیوں کہ پمپس پر پٹرول کم ہے۔

پٹرول کی قلت کے باعث شہری بہت پریشان ہیں، لوگوں کی گاڑیاں بند ہوگئیں تو انہیں دھکا لگا کر پمپس تک آنا پڑ رہا ہے، لوگ پمپ ڈھونڈتے پھر رہے ہیں، مزید پمپس بند ہوتے جارہے ہیں۔

اطلاعات ہیں کہ لاہور میں پٹرول کی قلت کی وجہ یہ ہے کہ حکومت نے این اے 120 میں دوران انتخاب لوڈ شیڈنگ سے بچنے کے لیے فرنس آئل زیادہ منگوایا اور پٹرول کم، حکومت کی اس بدانتظامی کے باعث پٹرول کی قلت ہوگئی ہے۔