لاہور : گھر کی مالکن نے ملازمہ کو پٹرول چھڑک کر زندہ جلا ڈالا ، پولیس نے مقدمہ درج کرکے ملزمہ شازیہ کے شوہر کو حراست میں لے لیا۔
تفصیلات کے مطابق لاہور کے علاقے نارتھ کینٹ میں گھر کی مالکن نے ملازمہ پر پٹرول چھڑک کر آگ لگا دی، جس میں ملازمہ کا 70 فیصد جسم جھلس گیا ، جس کے بعد اس کو اسپتال منتقل کیا گیا۔
پولیس نے گھریلو ملازمہ کی بہن کی مدعیت میں گھر کی مالکن شازیہ کیخلاف مقدمہ درج کرلیا۔
ایف آئی آر کے متن میں کہا گیا کہ ملزمہ شازیہ نے گھریلو ملازمہ شبنم کو آواز دے کر کچن میں بلایا اور پیٹرول کی بوتل آگ لگا کر پھینک دی۔
ملازمہ آگ سے جھلس کر باہر بھاگی جہاں کرائے دار نے آگ بجھا کر شبنم کی جان بچائی، ملزمان نےواقعہ کو پولیس سے دور رکھنے پر زور دیا اور جان سےمارنےکی دھمکیاں دیں۔.
تھانہ نارتھ کینٹ پولیس نے ملزمہ شازیہ کے شوہر نومی کو حراست میں لےلیا اور واقعے کی تفتیش شروع کردی ہے۔
