The news is by your side.

Advertisement

پولیس کا ہتک آمیز سلوک، بہن بھائی سے سڑک پر اٹھک بیٹھک لگوائی، ویڈیو وائرل

لاہور : پولیس چوکی انچارج نے تلاشی کے نام پر فیکٹری سے آنے والے دو بہن بھائیوں کو سڑک پر کھڑا کرکے اٹھک بیٹھک لگوائی، ہتک آمیز سلوک کی ویڈیو سوشل میڈیا پر وائرل ہوگئی۔

پولیس اہلکاروں کا شہریوں سے ہتک آمیز سلوک کا رویہ اب ان کی عادت بنتا جارہا ہے، یہ اہلکار طاقت کے نشے میں کسی رشتے کا بھی احترام کرنے کے روادار نہیں ہوتے۔

ایک ایسا ہی واقعہ لاہور کے علاقے غالب مارکیٹ میں پیش آیا جہاں پولیس اہلکاروں کا بہن بھائی کے ساتھ سرعام سڑک پر ہتک آمیز سلوک کا منظر دیکھا گیا جسے موبائل فون کیمرے میں محفوظ کرلیا گیا۔

بہن بھائی کو کان پکڑوا کر سزا دینے کی فوٹیج اے آروائی نیوز نے حاصل کرلی، غالب مارکیٹ پولیس چوکی کے انچارج نے تلاشی کے نام پر بہن بھائی کی تذلیل کی، دونوں بہن بھائی کو سڑک پر سرعام کان پکڑوا کر اٹھک بیٹھک لگوائی۔

اس حوالے سے متاثرین کا کہنا ہے کہ ہم دونوں بہن بھائی فیکٹری ملازم ہیں ڈیوٹی کے بعد گھر جارہے تھے، چوکی انچارج ایس آئی جمشید نے انہیں روکا اور شناختی کارڈ طلب کیا، شناختی کارڈ نہ ہونے پر وہ ہمیں تھانہ غالب مارکیٹ کے گئے اقور وہاں بھی تشدد کا نشانہ بنایا۔

لڑکی کے بھائی کا کہنا تھا کہ پولیس اہلکار نے تھانے میں  تلاشی دینے کا کہا اور میرا سوئٹر بھی اتار لیا، لڑکے بتایا کہ چوکی انچارج نے بہن کی تلاشی بھی خود لی تھی۔

دوسری جانب پولیس افسر نے اے آر وائی نیوز کے نمائندے سے گفتگو کرتے ہوئے کہا ہےکہ ہم نے ان کو سزا نہیں دی بلکہ ان دونوں نے خود ساختہ ویڈیو بنائی ہے ۔

Comments

یہ بھی پڑھیں