The news is by your side.

لاہور میں پولیس مقابلہ، ایک ڈاکو ہلاک ہوگیا دوسرا فرار

لاہور کے علاقے مانگا منڈی چاہ تمولی میں مبینہ پولیس مقابلے کے دوران ایک ڈاکو ہلاک جبکہ دوسرا فرار ہونے میں کامیاب ہوگیا۔

پولیس کے مطابق 2 ڈاکو ناکہ لگا کر شہریوں کو لوٹ کر فرار ہو رہے تھے کہ موقع پر پولیس پہنچ گئی، پولیس نے ان کا تعاقب کیا تو ڈاکووں نے فائرنگ کردی۔

پولیس کے مطابق ایک ڈاکو اپنے ہی ساتھی کی گولی لگنے سے ہلاک ہوا جبکہ ہلاک ہونے والے ڈاکو کا ساتھی فرار ہونے میں کامیاب ہوگیا۔

ذرائع کے مطابق ہلاک ہونے والے ڈاکو کی شناخت عرفان کے نام سے ہوئی جو ملتان روڈ کا رہائشی تھا، اس سے قبل عرفان کا ساتھی زاہد بھی 2روز قبل مانگا منڈی میں پولیس مقابلے میں ہلاک ہوا تھا۔

پولیس حکام کا کہنا ہے کہ ہلاک ہونے والے ڈاکوؤں نے چند روز قبل ایک واردات کے دوران 2 پولیس اہلکاروں کو شہید کیا تھا، عرفان کے قبضے سے موٹر سائیکل اور2پستول برآمد ہوئے ہیں جبکہ ساتھی کی تلاش جاری ہے۔

Comments

یہ بھی پڑھیں