لاہور میں مبینہ پولیس مقابلوں میں تین زیر حراست ملزمان ہلاک ہوگئے۔
پولیس کے مطابق ملزمان اسد اور شفیق کو رائیونڈ کے علاقے میں ریکوری کیلئے لے جایا جا رہا تھا، ملزمان کے نامعلوم ساتھیوں نے فائرنگ کردی، زیرحراست ملزمان موقع پر ہی ہلاک ہوگئے۔
دوسری جانب لاہور کے ماڈل ٹاؤن میں بھی آرگنائزڈ کرائم یونٹ اور ڈاکوؤں کے درمیان فائرنگ کا تبادلہ ہوا جس کی وجہ سے زیر حراست ملزم رفیق اوڈ اپنے ساتھیوں کی فائرنگ کی زد میں آکر مارا گیا۔
اس کے علاوہ راولپنڈی گاڑی چوری وارداتوں میں ملوث اسد نامی ملزم مقابلے میں مارا گیا، ہلاک ملزم اسد کا ایک ساتھی زخمی حالت میں فرار ہوگیا، ہلاک ملزم جڑواں شہروں اور اٹک میں متعدد وارداتوں میں ملوث تھا۔
پولیس کا کہنا ہے کہ ملزمان سے برآمد کار چند روز قبل کراچی کمپنی اسلام آباد سے چرائی گئی تھی، ہلاک ملزم اسد درجنوں مقدمات میں ملوث تھا، دوران اسنیپ چیکنگ گاڑی کو رکنے کا اشارہ کیا تو ملزمان نے فائرنگ کی، ملزمان کی فائرنگ سے ایک گولی اہلکار کو لگی جو بلٹ پروف جیکٹ کے باعث محفوظ رہا۔
