لاہور : پنجاب کے سب سے بڑے شہر لاہور میں نکالی جانے والی ریلی کے موقع پر ہونے والے ہنگامی حالات پر قابو پانے کے دوران پولیس اہلکار اور افسران بھی زخمی ہوئے ہیں۔
یہ دعویٰ لاہور پولیس نے اپنے ایک بیان میں کیا ہے، ترجمان لاہور پولیس کا کہنا ہے کہ شہر میں امن وامان کنٹرول کرتے ہوئے پولیس کے کئی افسران و اہلکار زخمی ہوئے ہیں۔
پولیس حکام کے مطابق اس دوران ہونے والے تشدد سے2ڈی ایس پیز،1ایس ایچ او سمیت11پولیس اہلکار زخمی ہوئے، جن میں ڈی ایس پی سبزہ زار، ڈی ایس پی ٹاؤن شپ، ایس ایچ او ہنجروال شامل ہیں۔
اس کے علاوہ اہلکاروں میں کانسٹیبل عرفان، ندیم، بلال، وقار اور عبدالستار، کانسٹیبل علی عصمت، سکندر، علی حمزہ زخمیوں میں شامل ہیں، ترجمان پولیس کا مزید کہنا ہے کہ اسپتال میں زیر علاج بہیمانہ تشدد سے شدید زخمی ہونے والے ایک پولیس اہلکار کی حالت تشویشناک بتائی جارہی ہے۔
