The news is by your side.

پاک انگلینڈ پانچواں ٹی 20 ٹاکرا: لاہور پولیس سیکیورٹی کے لئے تیار

لاہور : لاہور پولیس پاکستان اور انگلینڈ کے درمیان میچ کی سکیورٹی کے لئے تیار ہے، ٹیموں کے روٹس کی بلند عمارتوں،اسٹیڈیم ،اہم پوائنٹس پر اسنائپرز تعینات ہیں۔

تفصیلات کے مطابق پاک انگلینڈ پانچواں ٹی 20 آج قذافی اسٹیڈیم میں کھیلاجائے گا ، لاہور پولیس میچ کی سکیورٹی کے لئےتیار اور الرٹ ہے۔

سربراہ لاہورپولیس غلام محمودڈوگر نے بتایا کہ میچ کا پرامن انعقاد اور محفوظ ماحول میں ورلڈکلاس کرکٹ یقینی بنائیں گے۔

غلام محمودڈوگر کا کہنا تھا کہ کھلاڑیوں، شائقین کرکٹ اور شہریوں کو بھرپورسکیورٹی فراہم کریں گے اور ٹیموں کے روٹس، قیام گاہ سمیت قذافی اسٹیڈیم پر سکیورٹی انتظامات مزید سخت کردیئے ہیں۔

سی سی پی او نے کہا کہ ٹیموں کے روٹس کی بلند عمارتوں،اسٹیڈیم ،اہم پوائنٹس پر سنائپرز تعینات ہیں۔

انھوں نے ہدایت کی کہ پولیس افسران اور جوان الرٹ رہیں،شر پسند عناصر پر کڑی نظر رکھیں۔

خیال رہے پاک انگلینڈ سات میچوں کی ٹی ٹوئنٹی سیریز دو دو سے برابرہے، پانچواں معرکے میں دونوں ٹیمیں شام ساڑھےسات بجے ٹکرائیں گی، شائقین تمام میچ اےآروائی زیپ پربراہ راست دیکھ سکتے ہیں۔

Comments

یہ بھی پڑھیں