The news is by your side.

Advertisement

جہانگیر بدر کا سوئم: سعید غنی اور شوکت بسرا کے جوتے چوری

لاہور: پیپلز پارٹی کے سینئر رہنما جہانگیر بدر مرحوم کی رسم قل میں سینیٹر سعید غنی اور شوکت بسرا کے جوتے چوری ہوگئے، انہیں ننگے پاؤں اپنی گاڑی تک جانا پڑا، قبل ازیں مرحوم کی تدفین کے دوران خورشید شاہ کی جیب کٹ گئی تھی ساتھ ہی وزیراعلیٰ سندھ مراد علی شاہ اور منظو وسان کا موبائل فون غائب ہوگیا تھا۔

تفصیلات کے مطابق جہانگیر بدرمرحوم کی رسم قل آج منعقد کی گئی جس میں پیپلز پارٹی کے سینئر رہنماؤں کے علاوہ سیاسی اورسماجی شخصیات نے شرکت کی،پی پی رہنماؤں کو گزشتہ روز کی طرح آج بھی جھٹکا لگا۔

اس موقع پر پی پی کے سینیٹر سعید غنی اور شوکت بسرا جب واپس جانے لگے تو انکشاف ہوا کہ ان کے جوتے چوری ہوگئے ہیں جس کے باعث انہیں ننگے پاؤں اپنی گاڑی تک جانا پڑا۔


مزید پڑھیں : پیپلز پارٹی کے رہنما جہانگیر بدر انتقال کرگئے


واضح رہے کہ گزشتہ روز مرحوم کی نماز جنازہ اور تدفین کے دوران اپوزیشن لیڈر سید خورشید شاہ اور وزیر اعلیٰ سندھ سید مراد علی شاہ بھی اپنی نقدی اور موبائل فون سے محرم ہوگئے تھے۔

جیب کتروں نے اپنے ہاتھ کی صفائی دکھاتے ہوئے خورشید شاہ کی جیب کا صفایا کیا اور 15 ہزار روپے کی نقدی لے اڑے، جبکہ وزیراعلیٰ سندھ مراد علی شاہ اور صوبائی وزیر منظور وسان کی جیبوں سے ان کے قیمتی موبائل فون غائب کردیے گئے۔

Print Friendly, PDF & Email

Comments

comments

یہ بھی پڑھیں