The news is by your side.

Advertisement

لاہور پی ٹی آئی جلسہ، سیکیورٹی انتظامات کیا ہونگے؟

پاکستان تحریک انصاف کے کل لاہور کے گریٹر اقبال پارک (مینار پاکستان) میں ہونیوالے جلسے کیلیے سیکیورٹی انتظامات کو حتمی شکل دے دی گئی ہے۔

اے آر وائی نیوز کے مطابق پاکستان تحریک انصاف کے کل لاہور کے گریٹر اقبال پارک (مینار پاکستان) میں ہونے والے جلسے کیلیے سیکیورٹی انتظامات کو حتمی شکل دے دی گئی ہے۔

اس حوالے سے ذرائع نے اے آر وائی نیوز کو بتایا ہے کہ پی ٹی آئی کے جلسے کے موقع پر گریٹر اقبال پارک میں پولیس کے 4 ہزار افسران واہلکارتعینات ہوں گے جب کہ 10 ایس پیز،25 ڈی ایس پیز،59 ایس ایچ اوزڈیوٹی دیں گے اس کے علاوہ جلسے میں 234 خواتین پولیس اہلکار بھی تعینات کی جائیں گی۔

سیکیورٹی اقدامات کے تحت جلسےمیں شرکت کرنے والے ہر فرد کی تلاشی یقینی بنائی جائے گی اور اس کے لیے واک تھرو گیٹس، بیریئرز، خاردارتاریں، میٹل ڈیٹیکٹرز استعمال کیے جائیں گے۔

پی ٹی آئی کے جلسے کی سیف سٹی اتھارٹیز کےکیمروں کے ذریعے بھی مانیٹرنگ کی جائے گی۔

واضح رہے کہ پی ٹی آئی کے کل لاہور میں ہونیوالے جلسے پر حکومت نے مرمتی کام کی آڑ میں خلل ڈالنے کا منصوبہ بنایا ہے۔

مزید پڑھیں: عمران خان کا لاہور جلسہ؛ حکومت کا انٹرنیٹ بند کرنے کا منصوبہ

اس حوالے سے پاکستان ٹیلی کمیونکیشن اتھارٹی (پی ٹی اے) نے باضابطہ بیان جاری کیا ہے جس میں کہا گیا ہے کہ جمعرات 21 اپریل کو دوپہر 2 سے شام 7 بجے تک انٹرنیٹ بند رہے گا۔

پی ٹی اے کے مطابق سب میرین کیبل ایس ایم ڈبلیو4 پر کام ہو گا سب میرین کیبل کے ایک حصے پر پاورری کنفیگریشن کی جائےگی۔

Comments

یہ بھی پڑھیں