لاہور: پی ایس ایل کے 23 ویں میچ میں لاہور قلندرز نے دلچسپ مقابلے کے بعد کراچی کنگز کو 8 وکٹوں سے شکست دے دی۔
لاہور کے قذافی اسٹیڈیم میں کھیلے گئے میچ میں کراچی کنگز کا 188 رنز کا بڑا ہدف لاہور قلندرز نے بین ڈنک اور کپتان سہیل اختر کی شاندار بیٹنگ کی بدولت حاصل کر لیا۔
ڈنک نے 40 گیندوں پر 99 رنز کی ناقابل شکست اننگز کھیلی جس میں 3 چوکے اور ایک درجن چھکے شامل تھے جب کہ سہیل اختر نے 46 گیندوں پر 68 رنز بنائے۔
THANKS FOR COMING, SEE YA LATER 👋
BENK DUNK PLAYS AN EXTRAORDINARY INNINGS OF 99* TO TAKE LAHORE QALANDARS OVER THE LINE 🙌
12 SIXES FROM THE AUSTRALIAN TONIGHT 🔥#HBLPSLV #TayyarHain #CricketForAll #PEL #ChangeYourLife pic.twitter.com/yjE08BYgzp
— Cricingif (@_cricingif) March 8, 2020
کراچی کنگز کی جانب سے کوئی بھی بولر خاطر خواہ کارکردگی نہ دکھا سکا، عمر خان اور محمد عامر نے ایک ایک وکٹ حاصل کی۔
قبل ازیں قلندرز کے کپتان نے ٹاس جیتا اور کنگز کو بیٹنگ کی دعوت دی۔ بابر اعظم اور شرجیل خان پر مشتمل جوڑی نے اننگز کا آغاز کیا تو جارح مزاج بیٹسمین 10 رنز کے مجموعے پر رن آؤٹ ہو گئے۔
ابتدائی نقصان کے بعد بابر اعظم اور ایلکس ہیلز نے دوسری وکٹ پر 60 رنز جوڑ کر ٹوٹل کو 70 تک پہنچایا تاہم بابر اعظم باؤنڈری لگاتے ہوئے کیچ آؤٹ ہوگئے، انہوں نے 29 گیندوں پر 38 رنز بنائے جس میں 6 چوکے شامل تھے.
ALEX HALES AND CHADWICK WALTON ARE PUTTING ON A SHOW 💥
Karachi Kings are flying high against Lahore Qalandars #HBLPSLV #TayyarHain #CricketForAll #PEL #ChangeYourLife pic.twitter.com/cwHCDnI22B
— Cricingif (@_cricingif) March 8, 2020
20 رنز کے اضافے کے ساتھ ڈیلپورٹ بھی چلتے بنے جب کہ 94 کے مجموعے پر افتخار احمد بھی پویلین لوٹ گئے، پانچویں وکٹ پر ایلکس ہیلز اور والٹن نے جم کر بولرز کی دھلائی کی، دونوں نے برق رفتاری سے رنز میں اضافہ کرتے ہوئے 93 رنز جوڑے۔
والٹن 20 گیندوں پر 45 رنز بنا کر آؤٹ ہوئے، انہوں نے 5 چھکے لگائے جب کہ ہیلز نے 48 گیندوں پر 80 رنز بنائے جس میں 6 چوکے اور 5 چھکے شامل تھے.
AN EVENTFUL LAST OVER AND KARACHI KINGS SCORE 187/5 FROM THEIR 20 OVERS 💥
Lahore Qalandars need to bat really really well to achieve the total! #HBLPSLV #TayyarHain #CricketForAll #PEL #ChangeYourLife pic.twitter.com/exesG0sEPt
— Cricingif (@_cricingif) March 8, 2020
کراچی کنگز نے مقررہ اوورز میں پانچ وکٹوں پر 187 رنز بنائے، قلندرز کی جانب سے معاذ خان نے 2 اور سلمان ارشد نے ایک وکٹ حاصل کی.
ٹاس کے موقع پر ہوم ٹیم کے کپتان سہیل اختر کا کہنا تھا کہ پچ پرنمی ہے جس سے گیندسوئنگ ہوگی، کراؤڈ دونوں ٹیموں کو سپورٹ کر رہا ہے، ٹیم میں 2تبدیلیاں کی گئی ہیں۔
کراچی کنگز کے کپتان عماد وسیم نے کہا کہ ہمارے پاس اسپن کھیلنے والے اچھے بلے باز موجود ہیں، کوشش ہے بڑا اسکور کریں، ہماری تمام ترتوجہ میچ جیتنے پر مرکوز ہے۔
پی ایس ایل فائیو کے اس 23 ویں میچ میں پہلی بار دونوں ٹیمیں آمنا سامنا کر رہی ہیں، اب تک کراچی کنگز اور لاہور قلندرز 6،6 میچز کھیل چکی ہیں۔ کنگز نے 3 میچز جیتے 2 ہارے اور 1 ڈرا ہوا۔ قلندرز نے 2 میچز جیتے اور 4 ہارے، کراچی کنگز پوائنٹس ٹیبل پر 7 پوائنٹس کے ساتھ چوتھے جب کہ لاہور قلندرز 4 پوائنٹس کے ساتھ چھٹے نمبر پر ہے۔
کراچی کنگز کے بابر اعظم اور محمد عامر کارکردگی دکھانے کے لیے پرجوش ہیں، لاہور قلندرز کے محمد حفیظ اور شاہین آفریدی بھی میچ کا پھانسا پلٹنے کے لیے بے تاب ہیں۔
