لاہور : سستے کپڑوں کی خریداری کے دوران خواتین گتھم گتھا ہوگئیں، لاتوں اور گھونسوں کا آزادانہ استعمال کیا گیا ۔
تفصیلات کے مطابق لاہور کے ایک شاپنگ مال میں خواتین کے کپڑوں کی پچاس فیصد سیل کے اعلان نے خواتین کو بے صبرہ بنا دیا۔
کپڑوں کی سیل خواتین کی ریسلنگ میں بدل گئی، وہ من پسند سوٹ کے حصول کیلئے آپس میں گتھم گتھا ہو گئیں، ایک دوسرے کے بال نوچتی رہیں ،چیختی رہیں اور لاتوں اور مکوں کا استعمال کرتی ہیں۔
لڑائی کی وجہ وہ سوٹ بناجوبیک وقت دو خواتین کو پسند آیا جس کے حصول کیلئے چینا جھپٹی ہو گئی ،بعد ازاں تلخ کلامی اور اس کے بات نوبت ہاتھا پائی تک جا پہنچی۔
وہاں پر موجود دکانداراور دیگر گاہک بڑی مشکل کے بعد ان پر قابو پانے میں کامیاب ہوئے۔
