لاہور کے سروسز اسپتال میں پولیس اور ڈاکٹرز میں جھگڑا ہوگیا جس کے نتیجے میں رجسٹرار سمیت 2 ڈاکٹرز زخمی ہوگئے۔
اے ار وائی نیوز کے مطابق اٹینڈنٹ نے ڈاکٹرز کے ساتھ جھگڑے کے بعد سب انسپکٹر بھائی کو بلایا جس کے بعد سب انسپکٹر پولیس اہلکاروں کے ساتھ او پی ڈی میں داخل ہوا اور ڈاکٹرز کو تشدد کا نشانہ بنایا۔
سروسز اسپتال میں جھگڑے کی سی سی ٹی وی فوٹیج سامنے آگئی۔
فوٹیج میں پولیس اہلکاروں کو ڈاکٹرز پر تشدد کرتے دیکھا جاسکتا ہے، بعدازاں اسپتال انتظامیہ نے اٹینڈنٹ اور ڈاکٹرز میں جھگڑے کے بعد صلاح کروادی تھی۔
تشدد سے سینئر رجسٹرار سمیت 2 ڈاکٹرز زخمی ہوئے اور ایک کی انگلی ٹوٹ گئی۔
سروسز اسپتال انتظامیہ کا کہنا ہے کہ افسوسناک واقعے پر سخت ایکشن لیں گے۔
