لاہور: اسموگ میں کمی کے باعث لاہوں کے کاروباری مراکز معمول کے مطابق کھولنے کا فیصلہ کیا گیا ہے۔
اے آر وائی نیوز کے مطابق لاہور اور ملتان میں 8 بجے مارکیٹیں بندکرنے کا نوٹیفکیشن واپس لے لیا گیا، لاہور اور ملتان میں مارکیٹیں آج سے معمول کے مطابق 10 بجے بند ہوں گی۔
دکانیں، مارکیٹس، شاپنگ مالز، ہوٹلز، ریسٹورنٹ معمول کے مطابق کھلیں گے، اس حوالے سے محکمہ تحفظ ماحولیات نے نوٹیفکیشن جاری کردیا ہے۔ لاہورمیں ائیرکوالٹی انڈیکس 186، ملتان میں 161ریکارڈ کیا گیا ہے۔
دوسری جانب ترجمان موٹر وے پولیس کا کہنا ہے کہ موٹر وے ایم 5 رحیم یارخان سے روہڑی تک دھند کے باعث بند ہے۔
فیض حمید پر 5، 7 دن میں فرد جرم عائد ہونے والی ہے، فیصل واوڈا
ترجمان کے مطابق موٹرویزکو عوام کی حفاظت اورمحفوظ سفر یقینی بنانے کیلئے بندکیا جا تا ہے۔ شہری زیادہ سے زیادہ دن کے اوقات پرسفرکرنے کو ترجیح دیں، صبح 10سے شام 6 بجے تک دھند کے موسم میں بہترین سفری اوقات ہیں۔
