لاہور: لاہور کے علاقے بادامی باغ سے نو سالہ بچے کی بوری بند لاش ملی ہے، علاقے میں دو ماہ کے دوران نو بچے لاپتا ہوئے لیکن شکایت صرف تین بچوں کی ہی درج ہوئی۔
تفصیلات کے مطابق لاہور کے علاقے بادامی باغ کے قریب واقع نالے سے نو سالہ بچے کی بوری بند لاش ملی تو علاقے میں خوف پھیل گیا، ملنے والی لاش پندرہ سے بیس روز پُرانی ہے۔
پولیس حکام نے شک ظاہر کرتے ہوئے کہا ہے کہ بچے کو اغوا کے بعد قتل کیا گیا ہے، اہل علاقہ کے مطابق دو ماہ میں نو بچے اغوا ہوئے لیکن رپورٹ صرف تین کی درج ہوئی۔
گزشتہ کئی دنوں سے لاہور میں بچوں کے اغوا کی وارداتوں میں تشویشناک حد تک اضافہ ہوا ہے، بچوں کی گمشدگی کی رپورٹ درج نہ کرانا کوئی مصلحت ہے یا پھر عوام کا لاہور پولیس پر اعتماد اٹھ گیا، پولیس بھی اب تک اغوا کار گروہ کا سراغ نہیں لگا سکی ہے۔
