لکی مروت کے علاقے ملک آباد محلہ ریلوے اسٹیشن سے دہشت گردوں نے پولیس اہلکار خوشدل خان کو رات گئے گھر سے اغوا کرکے قتل کردیا۔
تفصیلات کے مطابق لکی مروت کے علاقے ملک آباد محلہ ریلوے اسٹیشن سے دہشت گردوں نے پولیس اہلکار خوشدل خان کو رات گئے گھر سے اغوا کیا، اغواکاروں نے اہلکار کو کچھ فاصلے پر لے جا کر فائرنگ کا نشانہ بنایا۔
پولیس حکام کا کہنا ہے کہ پولیس اہلکار خوشدل کو گھرکے قریب ہی گولیاں مار کر شہید کردیا گیا، پولیس جائے وقوع پہنچ گئی ہے اور علاقے میں سرچ آپریشن شروع کردیا گیا۔
پولیس نے ملزمان کی تلاش شروع کر دی گئی ہے جبکہ مقتول کی میت کو ضروری کارروائی کے بعد ورثا کے حوالے کر دیا گیا۔
سی ٹی ڈی اور دہشت گردوں میں فائرنگ کا تبادلہ، 3 دہشت گرد ہلاک، 6 فرار
