بھارت کی بڑی اپوزیشن جماعت کے سینئر رہنما لالو پرساد یادیو نے لائیو پریس کانفرنس کے دوران راہول گاندھی کو شادی کرنے کا مشورہ دے دیا۔
سوشل میڈیا پر اس پریس کانرنس کی گردش کرنے والی ویڈیو میں دیکھا جا سکتا ہے کہ لالو پرساد یادیو اور راہول گاندھی کے ہمراہ پارٹی کے دیگر رہنما موجود ہیں۔
صحافیوں کے مختلف سوالات کا جواب دیتے ہوئے لالو پرساد یادیو نے راہول گاندھی کی شادی کا ذکر کر ڈالا۔ وائرل ویڈیو میں سنا جا سکتا ہے کہ جب راہول گاندھی کو شادی کا مشورہ دیا گیا تو وہاں قہقہے گونج اُٹھے۔
لالو پرساد یادیو نے کہا کہ ’ہمرا بات مانیے اور شادی کیجیے۔ آپ کی ممی کہتی ہیں کہ آپ اُن کی بات نہیں سنتے۔ شادی کریں ہم باراتی بن کر چلیں گے۔‘
Lalu Prasad Yadav advises Rahul Gandhi to get married, watch his reaction. @laluprasadrjd @RahulGandhi pic.twitter.com/hJNtbP2x1t
— Abir Ghoshal (@abirghoshal) June 23, 2023
اس پر راہول گاندھی نے ہنستے ہوئے جواب دیا کہ ’اب آپ نے کہہ دیا ہے تو ہو ہی جائے گی شادی۔‘
سال 2013 میں پارٹی اجلاس کے دوران گفتگو کرتے ہوئے راہول گاندھی نے شادی نہ کرنے کا عندیہ دیا تھا۔
ان کا کہنا تھا کہ اگر میں نے شادی کرلی تو میں بھی اسٹیٹس کو کا حصہ بن جاؤں گا اور میرے بچے میری جگہ لے لیں گے۔