The news is by your side.

Advertisement

مہنگے ترین فلیٹ کی کرائے دار بلیاں

پالتو جانوروں سے محبت اور ان کی خدمت کے حوالے سے بے شمار مثالیں موجود ہیں مگر ایک ایسا خطہ بھی ہے جہاں کاروبار کرنے کے لیے لوگ گھروں کی تلاش میں مارے مارے پھرتے ہیں لیکن انہیں کامیابی حاصل نہیں ہوتی۔

ان میں سے ایک سیلیکون ویلی ہے، جسے امریکا میں ٹیکنالوجی کے گڑھ اور مہنگا ترین کاروباری علاقہ تصور کیا جاتا ہے، یہاں مکانات اتنے مہنگے ہیں کہ لوگ رات سڑکوں پر بسر کرتے ہیں مگر اسی شہر میں دو خوش قمست بلیاں بھی ہیں جو ماہانہ دو لاکھ روپے سے زائد کرائے کے فلیٹ میں رہائش پزیر ہیں۔

سان فرانسسکو کے قریب واقع پوش علاقے میں رہائش پذیر بلیوں کے مالک نے بتایا کہ وہ ان پالتو بلیوں کے لئے ماہانہ دو لاکھ سے زائد پاکستانی روپے کرایہ ادا کرتا ہے، جس کے باعث یہ بلیاں سیلیکون ویلی میں مہنگے ترین کرایہ دار جانور سے پہچانی جاتی ہیں۔

ان خصوصی مکینوں کا آشیانہ بھی خصوصی ہے جہاں انہیں کئی سہولیات میسر ہیں، یہاں ٹی وی بھی موجود ہے اور دیگر فرنیچر بھی، بلیوں کے نگراں روزانہ ان کی دیکھ بھال کے انتظامات کا جائزہ لیتے ہیں۔

سوشل میڈیا ویب سائٹس کے اس گڑھ میں رہنے والی بلیوں کے سوشل اکاؤنٹس بھی بنائے گئے ہیں، ان اکاؤنٹس پر بلیوں کی سرگرمیاں اپ ڈیٹ کی جاتی ہیں جنہیں اچھے خاصے لائیکس بھی ملتے ہیں۔

 

Comments

یہ بھی پڑھیں