The news is by your side.

Advertisement

ہرنائی میں مکان کی چھت گرنے سے ماں اور5 بچے جاں بحق

ہرنائی: صوبہ بلوچستان کے علاقے ہرنائی میں بارش کے باعث مکان کی چھت گرنے سے ماں سمیت 6 بچے جاں بحق ہوگئے۔

تفصیلات کے مطابق بارش کے باعث ہرنائی کے علاقے زندہ پیر میں گھرلینڈ سلائیڈنگ کی زد میں آگیا، ماں اور 5 بچے جاں بحق جبکہ 2 سال کی بچی معجزانہ طور پر محفوظ رہی۔

ڈپٹی کمشنر عظیم جان دمڑ کے مطابق افسوس ناک حادثہ شدید بارش کے بعد لینڈسلائیڈنگ سے پیش آیا جس کے نتیجے میں گھر کا ایک کمرہ مکمل طورپرملبے تلے دب گیا۔

عظیم جان دمڑ کہنا ہے کہ لاشوں کو ڈسٹرکٹ ہیڈکوارٹراسپتال ہرنائی منتقل کردیا گیا ہے جہاں قانونی کارروائی کے بعد لاشوں کو ورثا کے حوالے کیا جائے گا۔

اٹک میں مکان کی چھت گرنے سے 6 افراد جاں بحق

یاد رہے کہ گزشتہ ہفتے اٹک کے گاؤں اڑانگ میں مکان کی چھت گرنے سے 4 بچوں سمیت 6 افراد جان کی بازی ہار گئے تھے۔

پشین میں مکان کی چھت گرنے سے4 بچے جاں بحق

واضح رہے کہ 5 فروری 2019 کو بلوچستان میں ضلع پشین کے علاقے یعقوب کالونی میں مکان کی چھت گرنے سے 4 بچے جان کی بازی ہار گئے تھے۔

پولیس حکام کے مطابق حادثے میں جاں بحق ہونے والے بچوں کا تعلق ایک ہی خاندان سے تھا۔

Comments

comments

یہ بھی پڑھیں