لاہور : مفت لیپ ٹاپ اسکیم کے حوالے سے طلبا کے لئے اہم خبر آگئی ، کونسی طلبا کو مشروط اہل قراردینے کا فیصلہ کیا۔
تفصیلات کے مطابق وزیرتعلیم پنجاب سکندرحیات کی زیرصدارت لیپ ٹاپس اسکیم کے اجرا کی تیاریوں پر اجلاس ہوا، اجلاس میں لیپ ٹاپس کی تقسیم کے حوالے سے تیاریوں کا جائزہ لیا گیا۔
صوبائی وزیر نے کہا کہ لیپ ٹاپس تقسیم کےحوالے سے تقاریب تمام ڈویژنز میں منعقد کی جائیں، پہلے مرحلے میں 40 ہزار اور مجموعی طورپر ایک لاکھ 10ہزارلیپ ٹاپس تقسیم ہوں گے۔
ان کا کہنا تھا کہ لیپ ٹاپس تقسیم کی پہلی تقریب رواں ماہ کے آخر میں لاہور میں ہوگی۔
سکندرحیات نے بتایا کہ اپنی آئی ڈی کی جگہ والدین کی آئی ڈی پر اپلائی کرنیوالے طلبا کو مشروط اہل قراردینے کا فیصلہ کیا ہے ، ایسے طلبا کو ایفی ڈیوڈ لے کر مشروط اہل قرار دیا جائے گا۔
انھوں نے کہا کہ لیپ ٹاپ ہر حقدار کو ملے گا اہل طلبا کو کوائف مکمل کرنا ہوں گے، لیپ ٹاپ دینے سے قبل تمام طلبا کی بائیومیٹرک ویری فکیشکن لازمی ہوگی۔
صوبائی وزیر کا کہنا تھا کہ طلبا کسی بھی ای سہولت سینٹر سے بائیومیٹرک تصدیق کروائیں۔
