The news is by your side.

Advertisement

پاکستانی ماڈل لاریب کار حادثے میں جاں بحق

لاہور: پاکستانی ماڈل لاریب مدھوال ایک کار حادثے میں جاں بحق ہو گئیں۔

تفصیلات کے مطابق لاہور سے تعلق رکھنے والی 27 سالہ فیشن ماڈل لاریب مدھوال گزشتہ روز ٹریفک حادثے میں انتقال کر گئیں۔

ماڈل لارا کے جاں بحق ہونے کی اطلاع قریبی دوست نے سوشل میڈیا پر دی، جس کے مطابق ان کا انتقال بالا کوٹ میں پیش آنے والے کار حادثے میں ہوا، ماڈل کے انتقال کی خبر کے انٹرنیٹ پر وائرل ہونے کے فوراََ بعد ہی مداحوں، دوستوں اور مشہور شخصیات کی جانب سے نوجوان ماڈل کے اچانک انتقال پر تعزیتی پیغامات کا سلسلہ شروع ہو گیا۔

واضح رہے کہ لاریب مدھوال عرف لارا ٹی وی اشتہارات میں ماڈلنگ کے علاوہ اپنے اسٹائلنگ پراجیکٹس کے حوالے سے شہرت رکھتی تھیں، لارا نے زندگی میں گھبراہٹ، ڈپریشن اور دیگر ذہنی امراض جیسے مسائل کی وجوہ کے بارے میں آگاہی کے لیے بھی اپنی آواز اٹھائی اور اہم کردار ادا کیا۔

لارا مدھوال سوشل میڈیا پر بھی بہت زیادہ فعال تھیں، اور انسٹاگرام کے دو پیجز بھی چلاتی تھیں، ایک بطور ماڈل اور ایک بہ طور اسٹائلسٹ، جہاں وہ اپنے فالوورز کے ساتھ اپنے اسٹائل، سفر اور زندگی کے دیگر خوش گوار لمحات شیئر کرتی رہتی تھیں۔

Comments

یہ بھی پڑھیں