The news is by your side.

کراچی : مسجد کی چھت پر رکھے فرج سے جدید اسلحے کی بڑی کھیپ برآمد

کراچی : پولیس نے شاہ فیصل میں مسجد کی چھت پر رکھے فرج سے جدید اسلحے کی بڑی کھیپ برآمد کرلی۔

تفصیلات کے مطابق کراچی کے علاقے شاہ فیصل نمبر 2میں پولیس نے ایک ٹارگٹڈ کارروائی کے دوران جدید اسلحے کی بڑی کھیپ برآمد کرلی۔

اس حوالے سے پولیس حکام بتایا کہ کورنگی پولیس، تھانہ الفلاح اور شاہ فیصل کالونی پولیس نے انٹیلجنس انفارمیشن پر مشترکہ پولیس کاروائی کی۔

کارروائی میں شاہ فیصل کالونی نمبر 2 میں واقع مسجد کی چھت پر رکھے فرج سے جدید اسلحہ برآمد کیا۔

جدید اسلحہ میں ایک لانگ مشین گن ،ایل ایم جی،تین کلاشن کوف، 2 شارٹ گن، 3 پسٹل 30 بور، ایک 12 بور رائفل، 500 سے زائد مختلف اقسام کی گولیاں، 4 لوڈڈ چرخیاں اور 20 سے زائد لوڈڈ میگزین برآمد ہوئے۔

حکام نے بتایا کہ برآمد اسلحہ فارینسک کیلئے بھیجا جارہا ہے۔

پولیس کا کہنا تھا کہ تھانہ شاہ فیصل کالونی میں مقدمہ درج کرلیا گیا ہے اور تحقیقات جارہی ہے، ملوث ملزمان کو بھی جلد گرفتار کرلیا جائے گا۔

Comments

یہ بھی پڑھیں