The news is by your side.

Advertisement

کورونا وائرس لاک ڈاؤن : خوراک کا بڑا ذخیرہ کس عرب ملک کے پاس ہے ؟؟

ریاض : سعودی حکومت نے دعویٰ کیا ہے کہ دنیا بھر کو درپیش مسائل کے باوجود مشرق وسطیٰ میں خوراک کا سب سے بڑا ذخیرہ سعودی عرب کے پاس موجود ہے۔

تفصیلات کے مطابق سعودی وزارت تجارت کے ترجمان عبدالرحمٰن الحسین نے کہا ہے کہ وزارت تجارت کے افسران غلہ جات کے اعلیٰ ادارے کے گوداموں کا دورہ کرکے اس بات کا اطمینان حاصل کررہے ہیں کہ ملک میں کھانے پینے کی چیزیں اور اشیائے صرف وافر مقدار میں موجود ہیں یا نہیں۔

جس کے بعد یہ بات سامنے آئی کہ سعودی عرب کے پاس خوراک کا سب سے بڑا ذخیرہ ہے، وزارت تجارت کے افسران اس طرح کے تمام اداروں کے مسلسل دورے کررہے ہیں۔

ترجمان کے مطابق غلہ جات کے اعلیٰ ادارے کے پاس آٹے کی 4 لاکھ 50 ہزار بوریاں تقسیم کے لیے موجود ہیں، غلہ جات کا اعلیٰ ادارہ روزانہ 2 لاکھ 80 ہزار آٹے کی بوریاں گھریلو ضروریات کے لیے تیار کرا رہا ہے جبکہ 2 لاکھ ستر ہزار آٹے کی بوریاں یومیہ تجارتی بنیادوں پر فراہم کی جا رہی ہیں۔

وزارت تجارت کے ترجمان عبدالرحمٰن الحسین کے مطابق دنیا کو درپیش مشکل حالات کے باوجود سعودی عرب خوشحالی اور کھانے پینے کی اشیا وافر مقدار میں ذخیرہ رکھنے والا ملک تھا، ہے اور رہے گا، یاد رہے کہ سعودی عرب کے غلہ جات کا اعلیٰ ادارہ 3.3 ملین ٹن سے زیادہ گندم سے انواع و اقسام کی روٹیاں اور بیکری مصنوعات تیار کراتا ہے۔

fb-share-icon0
Tweet 20

Comments

comments

یہ بھی پڑھیں