میکسیکوسٹی: میکسیکو میں پولیس نے بڑی کارروائی کرتے ہوئے جرائم میں ملوث گینگ کے سرغنہ کو گرفتار کرکے بھاری مالیت کی سونے کی کلاشنکوف برآمد کرلی۔
غیرملکی خبررساں ادارے کی رپورٹ کے مطابق میکسیکو میں منشیات اسمگلنگ اور جرائم پیشہ عناصر کا اثرو رسوخ بڑھتا جارہا ہے جبکہ گروہوں کی شکل میں کرمنلز مزید فعال ہوچکے ہیں۔
پولیس نے ’بیگووٹوناس‘ نامی گینگ کے سربراہ ’الیوری‘ کو حالیہ کارروائی کے دوران گرفتار کیا جس کے پاس سے سونے کی پلیٹ چڑھی ہوئی مہنگی ترین گن برآمد ہوئی، اس دوران بھاری مقدار میں منشیات بھی پکڑی گئی۔
پولیس حکام کا کہنا ہے کہ ملزم نہ صرف گروہ کے ہمراہ جرائم میں ملوث رہا بلکہ کئی افراد کے قتل کا بھی الزام ہے جس سے متعلق تحقیقات جاری ہے جلد حقائق سامنے آئیں گے۔
گینگ سرغنہ کے خلاف اقدام قتل اور منشیات اسمگلنگ کے تحت مقدمہ چلایا جائے گا۔
خیال رہے کہ اس سے قبل بھی میکسیکو میں ایک گینگ کی 21 سالہ خاتون سربراہ گرفتار ہوئی تھی اس کے پاس سے سونے کی ’اے کے 47‘ نامی گن برآمد ہوئی تھی۔ اسی نوعیت کی مختلف کارروائی ماضی میں ہوچکی ہیں۔
