لاڑکانہ : ریشم بازار میں ہونے والی ڈکیتی کے دوران مزاحمت کے نتیجے میں ایک نوجوان کی ہلاکت کیخلاف اس کے لواحقین نے لاش سمیت دھرنا دے دیا۔
تفصیلات کے مطابق لاڑکانہ کے علاقے رتو ڈیرو ریشم بازار میں ڈکیتی کے دوران نوجوان کی ہلاکت کے بعد حالات کشیدہ ہوگئے۔
مقتول نوجوان کے ورثاء نے قاتلوں کی گرفتاری کیلئے علاقے کے تاجروں، سیاسی اور سماجی تنظیموں کے ہمراہ لاش رکھ کر دھرنا دے دیا۔
- Advertisement -
اس موقع پر مشتعل علاقہ مکینوں نے بس اسٹینڈ پر ٹائروں کو آگ لگا دی، جس کے نتیجے میں ٹریفک کی آمد ورفت معطل ہوگئی اور گاڑیوں کا قطاریں لگ گئیں۔
مظاہرین کا کہنا تھا کہ گزشتہ24 گھنٹوں کے دوران ڈکیتی میں مزاحمت پر4افراد قتل ہوچکے ہیں، جب تک ملزمان گرفتار نہیں ہوں گے احتجاجی دھرنا جاری رہے گا۔
