The news is by your side.

Advertisement

لیستھ ملنگا نے تمام طرز کی کرکٹ کو خیرباد کہہ دیا

کولمبو: سری لنکن کرکٹ ٹیم کے مایہ ناز فاسٹ بولر لیستھ ملنگا نے تمام طرز کی کرکٹ سے ریٹائرمنٹ کا اعلان کردیا۔

کرک انفو کی رپورٹ کے مطابق 38 سالہ سری لنکن فاسٹ بولر لیستھ ملنگا نے تمام طرز کی کرکٹ کو خیرباد کہہ دیا، ملنگا ٹیسٹ اور ون ڈے سے پہلے ہی ریٹائرمنٹ لے چکے تھے وہ اب ٹی ٹوینٹی کرکٹ بھی نہیں کھیلیں گے۔

فاسٹ بولر نے سری لنکا کی جانب سے 30 ٹیسٹ، 226 ون ڈے اور 84 ٹی ٹوینٹی میچز کھیلے۔

کرک انفو کی رپورٹ کے مطابق 38 سالہ بولر نے 30 ٹیسٹ میچوں میں سری لنکا کی نمائندگی کی اور 33.45 کی اوسط سے 101 وکٹیں حاصل کیں۔

ون ڈے انٹرنیشنل کرکٹ میں ملنگا نے 226 میچز کھیلے اور 28 کی اوسط سے 338 کھلاڑیوں کو آؤٹ کیا۔ ان کی بہترین بولنگ بھارت کے خلاف تھی جس میں انہوں نے 38 رنز دے کر چھ کھلاڑیوں کو آؤٹ کیا۔

مختصر طرز کی کرکٹ کے ماہر مانے جانے والے لاستھ ملنگا نے 84 میچز کھیلے اور 107 وکٹیں حاصل کیں، ملنگا کو ٹی ٹوینٹی کرکٹ میں وکٹوں کی سنچری مکمل کرنے والے دنیا کے پہلے بولر ہونے کا اعزاز حاصل ہے۔

Comments

یہ بھی پڑھیں