The news is by your side.

Advertisement

حج درخواستوں کی وصولی کا آج آخری دن

ریاض: سعودی وزارت حج و عمرہ کا کہنا ہے کہ حج درخواستوں کی وصولی کا آخری دن 23 جون یعنی آج ہے، جمعے کو عازمین حج کے ناموں کا اعلان کر دیا جائے گا۔

تفصیلات کے مطابق سعودی وزارت حج و عمرہ کا کہنا ہے کہ حج درخواستوں کی وصولی کا آخری دن 23 جون یعنی آج ہے، آج رات 10 بجے تک درخواستیں وصول کی جائیں گی۔

سعودی وزارت حج و عمرہ کا کہنا ہے کہ جمعہ کو عازمین حج کے ناموں کا اعلان کر دیا جائے گا، 25 جون دوپہر 1 بجے سے بکنگ اور حج پیکج کے حصول کی کارروائی شروع ہوجائے گی۔

وزارت کے مطابق منتخب افراد کو میسج موصول ہونے کے 3 گھنٹے کے اندر اپنا پیکج خریدنا ہوگا، مقررہ وقت میں پیکج نہ لینے والے افراد کا نام فہرست سے نکال دیا جائے گا۔

یاد رہے کہ سعودی وزارت حج و عمرہ نے 15 جون کو حج کی درخواستوں کے لیے لنک جاری کیا اور صرف 24 گھنٹے کے اندر وہاں ساڑھے 4 لاکھ درخواستیں موصول ہوگئی تھیں۔

Comments

یہ بھی پڑھیں