2023 کا دوسرا اور آخری چاند گرہن آج ہوگا جو پاکستان میں بھی دیکھا جا سکے گا۔
محکمہ موسمیات کے مطابق رواں سال کا دوسرا اور آخری چاند گرہن آج دیکھا جائے گا، جزوی چاند گرہن پاکستانی وقت کے مطابق رات 11 بجکر 2 منٹ پر شروع ہوگا اور اس کا اختتام رات 3 بجکر 26 منٹ پر ہوگا۔
چاند گرہن پاکستان کے ساتھ ساتھ سمیت ایشیا، روس، یورپ اور افریقا کے مختلف ممالک میں دیکھاجا سکےگا, سورج گرہن کے برعکس چاند گرہن کو دیکھنے کے لیے کسی قسم کی احتیاط کی ضرورت نہیں ہوتی۔
چاند گرہن کیوں ہوتا ہے؟
جب چاند زمین کے سائے کے تاریک ترین حصے سے گزر رہا ہوتا ہے اور زمین، سورج اور چاند کے درمیان میں آجاتی ہے تو اس موقع پر چاند گرہن ہوتا ہے۔
سورج کی روشنی جب زمینی فضا میں سے گزرتی ہے تو نیلی روشنی کی نسبت لال رنگ کی روشنی زیادہ مڑ جاتی ہےاور اس وجہ سے گرہن لگنے پر چاند سرخ رنگ کا نظر آتا ہے۔
