The news is by your side.

Advertisement

کراچی میں میٹرک کے سالانہ امتحانات کا آج آخری پرچہ، امتحانی مراکز پر پرچوں کی ترسیل مکمل

کراچی : ثانوی تعلیمی بورڈ کراچی کے تحت میٹرک کے سالانہ امتحانات کا آج آخری پرچہ ہے، اس حوالے سے تمام امتحانی مراکز پر پرچوں کی ترسیل مکمل کرلی گئی۔

تفصیلات کے مطابق چیئرمین میٹرک بورڈسید شرف علی شاہ کی جانب سے بیان میں کہا گیا ہے کہ میٹرک سائنس گروپ کے تحت آج ریاضی کے پرچے کا انعقادکیا جارہا ہے اور تمام امتحانی مراکز پر پرچوں کی ترسیل کا عمل مکمل کرلیا گیا ہے۔

چیئرمین میٹرک بورڈ کا کہنا تھا کہ شہر میں11حب امتحانی مراکز کی تعداد اب18کردی گئی ہے ، کراچی کے ہر ٹاون میں اب ایک حب امتحانی مرکز قائم کردیا گیا ہے، حب امتحانی مرکز سے ٹاون کے تمام اسکولوں کو پرچے کی ترسیل یقینی بنائی گئی ہے۔

میٹرک کے امتحانات میں 3 لاکھ سے زائد امیدوار شرکت کر رہے ہیں،اسٹیئرنگ کمیٹی کے فیصلے کے مطابق اس سال صرف اختیاری مضامین کے پرچوں کا انعقاد کیا جارہا ہے۔

یاد رہے میٹرک امتحانات میں واٹس ایپ سے امتحانی پرچہ آؤٹ ہونے اور نقل کے معاملے پر مشیر تعلیمی بورڈ سندھ نثار کھوڑو نے امتحانی عملے کے موبائل، انٹرنیٹ ڈیوائس کے استعمال پر پابندی عائد کردی ہے۔

واضح رہے کراچی میں میٹرک کے امتحانات کے پہلے روز ہی فزکس کا پرچہ آغاز کے چند منٹ کے بعد ہی آؤٹ ہوا تھا اور حل شدہ پرچہ سوشل میڈیا پر آگیا تھا۔

Comments

یہ بھی پڑھیں