اسلام آباد: سینئر قانون دان اور پی پی رہنما لطیف کھوسہ کا کہنا ہے کہ بلاول بھٹو کو لیگل ٹیم کی جانب سے مس گائیڈ کیا جارہا ہے۔
اے آر وائی نیوز کے پروگرام آف دی ریکارڈ میں گفتگو کرتے ہوئے سینئر قانون دان لطیف کھوسہ نے کہا کہ ن لیگ کا وطیرہ ہے کوئی عہدے سے چلا جاتا ہے تو اس کے سارے عیب سامنے رکھ دیتے ہیں۔
انہوں نے کہا کہ پارلیمنٹ میں کس قسم کی روایت ڈالی جارہی ہے ایوان میں ججوں کے خلاف گفتگو سے کیا حاصل کرنا چاہتے ہیں۔
’’بلاول کو لیگل ٹیم کی جانب سے مس گائیڈ کیا جارہا ہے‘‘، ماہر قانون سردار لطیف کھوسہ کا موجودہ حالات پر تجزیہ#ARYNews #BilawalBhutto #OffTheRecord pic.twitter.com/dFym2OLLZB
— ARY NEWS (@ARYNEWSOFFICIAL) April 27, 2023
لطیف کھوسہ نے کہا کہ ججوں کے خلاف بات کرکے وقتی طور پر الیکشن سے فرار ہوسکتے ہیں لیکن الیکشن تو کرانا ہوں گے۔
پی پی رہنما نے کہا کہ چیف جسٹس ججز اور وکلا کے سربراہ ہیں ادارے کی حفاظت کریں گے جب ثاقب نثار چیف جسٹس تھے شہباز شریف اس وقت ان کے خلاف بات کرتے، شہباز شریف کو جن 180 ممبران نے ووٹ دیا ذرا عوام میں جاکر دکھائیں۔
لطیف کھوسہ نے کہا کہ ریاست تو عوام ہےعوام رل گئی ہے اور ریاست ناپید ہے یہ لوگ ریاست کے اوپر ریاست بن کر بیٹھ گئے ہیں الیکشن تو ہونے دیں کچھ بھی ہوجائے یہ عوام میں جائیں انہیں لگ پتا جائے گا۔
