لاہور: وزیراعلیٰ پنجاب سردار عثمان بزدار کا کہنا ہے کہ حکومت پنجاب نےای گورننس پرمبنی محکمانہ اصلاحات متعارف کرائیں۔
تفصیلات کے مطابق وزیراعلیٰ پنجاب کی ہدایت پر تعمیراتی شعبے کے فروغ کے لیے آن لائن سروس کا آغاز ہوگیا، بلڈرز، ڈویلپرز، کے لیے اجازت نامے ایک کلک کے ذریعے میسر ہوں گے۔
سردار عثمان بزدار کا کہنا تھا کہ حکومت پنجاب نے ای گورننس پر مبنی محکمانہ اصلاحات متعارف کرائیں،انفارمیشن ٹیکنالوجی بورڈ کے تعاون سے آن لائن پورٹل کا اجرا ہوچکا ہے۔
وزیراعلیٰ پنجاب نے کہا کہ ون ونڈو سروس کا دائرہ کار وسیع کر کے عوام کی دہلیز تک پہنچا دیاگیا ہے،اس سے پہلے یہی کام مہینوں اور اکثرسالوں میں مکمل ہوتے تھے۔
بلدیاتی اداروں کو بہتر بنا کر ترقی کو عوام کی دہلیز تک لے جائیں گے،عثمان بزدار
یاد رہے کہ گزشتہ ہفتے عثمان بزدار کا کہنا تھا کہ پنجاب حکومت نے لوکل گورنمنٹس کے منجمد فنڈ بحال کر دیے ہیں،پنجاب کے ہر شہر اورگاؤں میں ترقی کا نیا دورشروع ہوگا،فنڈ کے استعمال میں شفافیت کو ہر صورت یقینی بنائیں گے۔
وزیراعلیٰ پنجاب سردار عثمان بزدار کا کہنا تھا کہ بلدیاتی اداروں کو بہتر بنا کر ترقی کو عوام کی دہلیز تک لے جائیں گے۔
