خیرپور : وکیل جوڑے کی شادی میں دلہن نے انوکھا حق مہر مانگ کر عزیز و اقارب کو خوشگوار حیرت میں مبتلا کردیا، دولہا کا کہنا ہے کہ ایسا حق مہر ادا کرکے مجھٓے بے حد خوشی ہوگی۔
خیرپور اور نوابشاہ کے وکلاء شادی کے بندھن میں بندھ گئے، نکاح کے موقع پر دلہن صفیہ لاکھو جو خود بھی ایک وکیل ہیں نے اپنی عمر کے مطابق حق مہر میں بتیس بے گناہ ملزمان کی ضمانت اور بتیس نفلوں کی ادائیگی کا حق مہر لکھوایا۔
اس موقع پر وہاں موجود لوگوں نے خوشگوار حیرت کے ساتھ دلہن کے اس اقدام کو سراہا جبکہ دولہا نے بھی اسے خوش دلی سے قبول کیا۔
اے آر وائی نیوز سے گفتگو کرتے ہوئے دلہا حبیب جسکانی کا کہنا تھا کہ ہم دونوں کی فیملی کو اس بات کا پتہ نہیں تھا جسے سن کر وہ بھی بہت خوش ہیں، مجھے بھی ایسے نیک حق مہر کی ادائیگی کرکے خوشی ہوگی۔
دوسری جانب وکیل جوڑے کو رشتے داروں اور وکلاء برادری کی جانب سےخوب سراہا جارہا ہے، دلہن کے اہل خانہ نے حق مہر میں صرف گیارہ سو روپے بھی لکھوائے۔
