کراچی: وکلا نے پولیس کےخلاف شارع فیصل پر احتجاج کرتے ہوئے دونوں ٹریک بند کردیے، شہر کی مرکزی شاہراہ پر شدید ٹریفک جام ہوگیا۔
اے آر وائی نیوز کے مطابق شارع فیصل پر ایف ٹی سی بلڈنگ کے مقام پر وکلا نے احتجاج کرتے ہوئے دونوں ٹریک ٹریفک کی آمدورفت کیلئے بند کردیے ہیں، شارع فیصل پر احتجاج کےباعث ایف ٹی سی پل کے قریب ٹریفک جام ہوگیا ہے۔
وکلا نے پہلے کراچی کے علاقے محمود آباد میں احتجاج کیا گیا تھا، اس کے بعد وکیل احتجاج کرتے کرتے شارع فیصل پر پہنچ گئے جہاں پر روڈ کو بلاک کردیا گیا۔
- Advertisement -
احتجاج کے باعث نہ صرف ٹریفک کی روانی شدید متاثر ہوئی بلکہ لوگوں کو کافی مشکلات کا سامنا کرنا پڑرہا ہے، اب تک کسی بھی پولیس حکام کی جانب سے وکیلوں سے مذاکرات کی کوشش نہیں کی گئی۔
