دنیا بھر میں مشہور سوزوکی موٹرز نے بھی الیکٹرک گاڑی بنانے کا اعلان کر دیا۔
کارساز کمپنی کے صدر سوزوکی توشی ہیرو نے اعلان کیا ہے کہ ان کی کمپنی مستقبل میں تجارتی استعمال کی پہلی برقی گاڑی بنانے کا منصوبہ رکھتی ہے۔
یہ برقی گاڑی مائیکرو وین ‘ایوری’ کے ماڈل کی ہو گی جس کا انجن 660 سی سی کی طاقت رکھتا ہے۔ اس گاڑی کو ہلکی کہلانے والی گاڑیوں میں شمار کیاجاتا ہے۔
سوزوکی کمپنی کی نئی گاڑیوں کی فروخت میں چھوٹی گاڑیوں کا حصہ قریباً 40 فیصد ہے۔
کمپنی کے صدر نے کہا کہ ہم اپنے تجربات کو بروئے کار لاتے ہوئے اچھی برقی گاڑیاں تیار کرنے کا راستہ تلاش کریں گے۔
واضح رہے کہ دنیا بھر میں توانائی کے دیگر ذرائع کو استعمال کرتے ہوئے گاڑیوں کی تیاری کا عمل جاری ہے۔ شمسی توانائی کے ساتھ ساتھ الیکٹرک کاروں کی تیاری کا عمل مؤثر ثابت ہو رہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں