واٹس ایپ جو آج کل باہمی رابطوں کا ایک ذریعہ ہے، اکثر صارفین کو ہمیشہ ان کا نوٹیفکیشن بار بغیر پڑھے ہوئے پیغامات سے بھرا ہوا نظر آتا ہے، اب چاہے وہ نہ ختم ہونے والے گروپ چیٹس ہوں، کام کی اپڈیٹس، یا خاندان کے پیغامات کی بھرمار ، تمام پیغامات کو پڑھنا یا ہر ایک کا جواب دینا ہمیشہ ممکن نہیں ہوتا۔
صارفین کی یہ پریشانی ختم ایک ٹرک تلاش کر لی گئی ، جس سے آپ تمام پیغامات پڑھے بغیر فوراً پڑھے گئے کے طور پر نشان لگا سکتے ہیں، اس سے آپ ہر چیٹ ونڈو کو الگ سے کھولنے اور ایک ایک کرکے ڈیلیٹ کرنے کی پریشانی سے بچ جائیں گے۔
واٹس ایپ پر بغیر پڑھے میسجز کو پڑھے گئے کے طور پر نشان زد کرنے کا طریقہ
مرحلہ 1: WhatsApp ایپ کھولیں اور مین چیٹ اسکرین پر جائیں۔ یہاں آپ اپنی حالیہ بات چیت دیکھ سکتے ہیں۔
مرحلہ 2: فلٹر بٹن دیکھنے کے لیے نیچے کی طرف سوائپ کریں۔ آپ کو "All”، "Unread”، "Favorites”، اور "Groups” کے آپشنز نظر آئیں گے۔
مرحلہ 3: "Unread” بٹن کو دبائے رکھیں، جس سے یہ ایک چھپا ہوا آپشن ظاہر کرے گا۔
مرحلہ 4: اس میں "Mark as read” کا آپشن منتخب کریں۔ جیسے ہی آپ اسے دبائیں گے، آپ کی تمام نا پڑھے گئے پیغامات کی نوٹیفکیشنز ختم ہو جائیں گی، یا یوں کہہ لیں کہ ایسا شو ہوگا جیسے آپ نے انہیں پڑھ لیا ہے۔
یہ آسان واٹس ایپ ٹرک آپ کو بغیر پڑھے ہوئے پیغامات کے مسلسل بوجھ سے آزاد کرتے ہوئے اپنی گفتگو کو مؤثر طریقے سے منظم کرنے کی اجازت دیتی ہے۔
اس ٹرک سے ان صارفین کو زیادہ فائدہ ہوگا جو متعدد واٹس ایپ گروپس کا حصہ ہیں اور ان کے لیے تمام میسجز کو پڑھنا ممکن نہیں ہوتا۔
