The news is by your side.

Advertisement

’عمرشریف سے بہت کچھ سیکھا‘ انوپم کھیر بھی لیجنڈ اداکار کے معترف

ممبئی : بالی ووڈ اداکار انوپم کھیر نے عمر شریف کو حقیقی لیجنڈ قرار دیتے ہوئے کہا کہ بطور اداکار میں نے عمر شریف سے بہت کچھ سیکھا۔

پاکستانی سیاسی و شوبز شخصیات سمیت بالی ووڈ اداکار بھی پاکستان کے معروف اداکار، کامیڈی کنگ لیجنڈ عمر شریف کے انتقال پر شدید افسردہ ہیں۔

کپل شرما، جونی لیور و دیگر بعد مشہور بالی ووڈ اداکار انوپم کھیر نے بھی عمر شریف کے انتقال پر ویڈیو پیغام کے ذریعے غم کا اظہار کرتے ہوئے کہا کہ عمر شریف کا حس مزاح کمال تھا، وہ حقیقی لیجنڈ تھے۔

اداکار نے کہا کہ دنیا میں چند ہی ایسے افراد ہیں جو سب چہروں پر مسکراہٹیں اور خوشیاں بکھیرتے ہیں، میں نے بطور اداکار عمر شریف سے بہت کچھ سیکھا ہے۔

خیال رہے کہ کامیڈی کنگ عمرشریف دو روز قبل 66 برس کی عمر میں جرمنی کے اسپتال میں دوران علاج انتقال کرگئے تھے، جن کی نماز جنازہ آج جرمنی کے شہر نیورمبرگ میں ادا کی جائےگی۔

Comments

یہ بھی پڑھیں