کراچی: لیجنڈ کرکٹر لٹل ماسٹر ’’محمد حنیف‘‘ کی طبیعت ناساز نجی اسپتال میں داخل کروادیا گیا۔
تفصیلات کے مطابق قومی کرکٹ ٹیم کے لیجنڈ کرکٹر ’حنیف محمد‘ کی کل رات اچانک خراب ہوگئی جس کے بعد انہیں نجی اسپتال منتقل کیا گیا، لٹل ماسٹر کے بیٹے کے مطابق والد کی طبیعت بہت تشویش ناک ہے۔
ڈاکٹرز کے مطابق حنیف محمد میں دوبارہ کینسر کے مرض کی تشخیص ہوئی ہے، حنیف محمد کے صاحبزادے شعیب محمد نے حکومت سے مدد کی اپیل کی ہے۔
اہل خانہ نے اس بات کی تصدیق کی ہے کہ بلے باز کو کینسر کے مرض کی تشخیص ہوئی تھی جس کے بعد مکمل علاج و معالجے کے بعد اُن کے ٹیسٹ صیح آئے تھے اور وہ صحت مند زندگی گزار رہے تھے تاہم گزشتہ رات اچانک طبیعت خراب ہونے کے باعث انہیں اسپتال لایا گیا جہاں ڈاکٹرز نے دوبارہ کینسر کے مرض کی تشخیص کی ہے۔
طبی ماہرین نے کہا ہے کہ ’’لٹل ماسٹر کے کچھ طبی ٹیسٹ کروائے جائیں گے جس کے بعد اُن کا باقاعدہ علاج کیا جائے گا تاہم شعیب محمد نے لٹل ماسٹر کے لیے دعاؤں کی اپیل کی ہے‘‘۔
