فلسطین کے مشہور فٹبالر محمد برکت اسرائیلی حملے میں شہید ہو گئے صہیونی فوج نے خان یونس میں ان کے گھر پر بمباری کی۔
غیر ملکی میڈیا کے مطابق اسرائیلی بربریت کا سلسلہ جاری ہے جو رمضان کے ماہ مقدس میں بھی نہ تھم سکا۔ گزشتہ روز صہیونی فوج نے خان یونس کے علاقے میں لیجنڈ فلسطینی فٹبالر محمد برکت کے گھر پر بمباری کی جس کے نتیجے میں وہ شہید ہوگئے۔
خان یونس کے لیجنڈ فلسطینی فٹبالرمحمد برکات اسرائیلی حملےمیں شہیدہوگئے۔۔ غزہ میں جاری اسرائیلی دہشتگردی کاسلسلہ رمضان المبارک میں بھی نہ تھم سکا۔۔ خان یونس میں محمد برکات کےگھرکونشانہ بنایاگیا۔۔ برکات نےفسطینی قومی ٹیم اورمقامی کلب کی نمائندگی کی۔۔ کیریئرمیں ایک سوچودہ گول کیے۔۔
محمد برکت کو خان یونس کا لیجنڈ کہا جاتا تھا، انہوں نے اپنے کیریئر میں 114 گول اسکور کیے اور وہ خان یونس یوتھ کلب کے کپتان بھی تھے۔
محمد برکت نے فلسطین کی نیشنل ٹیم کی نمائندگی کی اور لوکل کلب کی جانب سے بھی میچز کھیلے ہیں۔
مقامی فٹبال کلب کے کھلاڑی خالد ابو ہابیل نے محمد برکت کی موت کو فلسطینی فٹبال کے لیے بہت بڑا نقصان قرار دیتے ہوئے کہا ہےکہ میں ان کے خلاف کھیل چکا ہوں، وہ بہت ہوشیار اور تیز کھلاڑی تھے۔
خیال رہے کہ غزہ سٹی کے شہریوں کے لیے امداد کی فراہمی کو صہیونی فوج نے لگ بھگ منقطع کر دیا ہے اور رفح سے بہت کم ٹرک وہاں امداد لے کر پہنچتے ہیں جس کی وجہ سے شمالی غزہ میں شدید غذائی قلت سے اب تک کم از کم 27 بچے شہید ہوچکے ہیں۔
غاصب اسرائیل کے 7 اکتوبر سے جاری حملوں میں اب تک 31 ہزار سے زائد فلسطینی شہید اور 72 ہزار سے زائد زخمی ہو چکے ہیں۔
