شوبز انڈسٹری سے تعلق رکھنے والی اداکاراؤں کیلئے ان کی شخصیت اور خوبصورتی سب سے زیادہ اہمیت کی حامل ہوتی ہے جسے وہ ہر صورت برقرار رکھنا چاہتی ہیں۔
اپنی اسی خوبصورتی کو برقرار رکھنے کیلئے یہ اداکارائیں تمام تر جتن کرتی ہیں اور اس معاملے میں کسی قیمت پر کوئی سمجھوتہ نہیں کرتیں ان کا کہنا ہے کہ وہ ایسا کیوں نہ کریں کیونکہ آخر لوگ ہمارا چہرہ ہی تو دیکھتے ہیں۔
اسی حوالے سے اے آر وائی ڈیجیٹل کے پروگرام گڈ مارننگ پاکستان میں پاکستان شوبز کی معروف اداکارہ زرنیش خان نے شرکت کی اور میزبان ندا یاسر نے ان کی خوبصورتی اور جاذبیت سے متعلق راز جاننے کی کوشش کی۔
انہوں نے بتایا کہ جلد کو ترو تازہ رکھنے کیلئے لیموں اور چینی سے اسکرب کرتی ہوں اگر چینی کی جگہ شہد شامل کرلیا جائے تو اور بھی بہتر ہے۔ اس کے علاوہ جلد پر کیسٹر آئل بھی لگانا چاہیے۔
بالوں کی خوبصورت اور نشونما کے حوالے سے انہوں نے بتایا کہ دہی اور انڈے کے پیسٹ کے فوائد سے تو سب ہی واقف ہیں، تو کسی چیز کو اتنا مت سوچیں یہ چیزیں گھر میں ہپی موجود ہوتی ہیں ان سے فائدہ اٹھائیں۔
………………………………………………………………………………………………………………
نوٹ : مندرجہ بالا تحریرایک عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
