The news is by your side.

Advertisement

لیموں کی قیمت نے عوام کے ہوش اڑا دیے

ملک میں مہنگائی نے عوام کی کمر توڑ دی ہے اور لیموں کی قیمت نے گوشت کو بھی پیچھے چھوڑ دیا ہے۔

اے آر وائی نیوز کے مطابق ملک میں مہنگائی کے خلاف لگنے والے بچت بازار بھی عوام کو سستی اشیا فراہم کرنے میں ناکام ہوگئے، بچت بازاروں میں بھی عوام مہنگی اشیا ہونے کا شکوہ کررہے ہیں۔

بچت بازاروں میں سبزی فروش ایک لیموں پچاس روپے میں بھی دینے کو تیار نہیں ہیں۔

ذرائع کا بتانا ہے کہ لیموں کی فی کلو قیمت 1200 روپے ہوگئی ہے، عید الفطر کے دنوں میں لیموں کی قیمت 1 ہزار روپے تھی۔

ادھر یوٹیلیٹی اسٹورز پر مختلف اشیا کی قیمتوں میں اضافہ ہوگیا، نوٹیفیکیشن کے مطابق یوٹیلیٹی اسٹورز پر ڈالڈا آئل چار سو تریسٹھ روپے سے بڑھ کر چار سو تراسی روپے فی لیٹر ہو گیا

حبیب آئل تین سو اٹھاسی روپے سے بڑھ کر چار سو آٹھ روپے لیٹر کردیا گیا۔

مختلف برانڈز کی چائے پینتالیس روپے اضافے سے ایک ہزار اناسی روپے کلو ہو گئی، شربت روح افزا کی ڈیڑھ لیٹر بوتل دو سو اکتالیس سے بڑھ کر 276 روپے ہو گئی جبکہ جام شیریں کی ڈیڑھ لیٹر بوتل چار سو سینتیس روپے سے بڑھ کر چار سو پچتھر روپے ہو گئی۔

دودھ کا پیکٹ ایک سو بیالیس روپے سے بڑھ کر ایک سو باسٹھ روپے لیٹر ہو گیا، دال چنا ایک سو ساٹھ، سفید چنے دو سو تیرا روپے اور دال ماش دو سو اٹھتر روپے کلو کی ہوگئی ہے۔

Comments

یہ بھی پڑھیں