سوشل میڈیا پر اکثر ایسی ویڈیو وائرل ہوتی ہیں جنہیں دیکھ صارفین دنگ رہ جاتے ہیں ایسی ہی ایک ویڈیو سوشل میڈیا پر وائرل ہورہی ہے جس میں ایک خونخوار جانور کو اپنے شکار کو پالتے دیکھا گیا ہے۔
جی ہاں! یہ کوئی معمولی شکاری نہیں بلکہ تیندوا ہے جو جانوروں کو باآسانی اپنی خوراک بناتا ہے لیکن اگر کوئی انسان بھی اس کی گرفت میں آگئے تو اس کا بچنا مشکل نہیں ناممکن ہے لیکن ایک ویڈیو انٹرنیٹ پر وائرل ہورہی ہے جس میں ایک تیندوے کو نومولود ہرنوٹے (ہرن کا بچہ) کو پالتے دیکھا جاسکتا ہے۔
ویڈیو گرافر نے اپنے کیمرے سے یہ غیر معمولی ویڈیو بنائی جس میں ایک چند لمحے قبل ہی جنم لینے والے ہرنوٹے کو تیندوے نے گود لے لیا۔
ویڈیو میں دیکھا جاسکتا ہے کہ ایک ہرن بچے کو جنم دے رہی ہوتی ہے اور جیسے ہی ہرناٹا دنیا میں آتا ہے ہرن بچے کو چھوڑ کر فرار ہوجاتی ہے کیونکہ پیچھے سے تیندوا حملہ آور ہوجاتا ہے۔
تیندوے نے ہرنوٹے کو کھانے کے بجائے اسے گود لے لیا اور پالنا شروع کردیا۔
