تیندوا گاڑی کے بونٹ میں پھنس گیا جس کی ویڈیو سوشل میڈیا پر وائرل ہوگئی۔
سوشل میڈیا پر ایک ویڈیو تیزی سے وائرل ہورہی ہے جس میں دیکھا جاسکتا ہے کہ ایک تیندوا ہائی وے پر کار کے بونٹ کے نیچے سے نکلنے کے لیے جدوجہد کررہا ہے۔
ویڈیو میں دیکھا جاسکتا ہے کہ زخمی تیندوا کار کے ٹوٹے ہوئے حصے سے خود کو چھڑانے کی کوشش کررہا ہے جیسے ہی ڈرائیور گاڑی کو ریورس کرتا ہے تیندوا بونٹ سے نکلنے کے بعد تیزے سے بھاگ جاتا ہے۔
Wild & painful 😣 Heartbreaking. Nothing can be more distressing than seeing our wild getting destroyed due to linear infrastructure…
VC: @WildLense_India pic.twitter.com/jLiGyylzpe— Susanta Nanda IFS (@susantananda3) June 20, 2022
مذکورہ ویڈیو بھارتی محکمہ جنگلات افسر نےسوسنتا نندا نے شیئر کی، بھارتی میڈیا کے مطابق زخمی تیندوے کو تلاش کرنے کی کوشش جاری ہے تاکہ اس کا علاج کیا جاسکے۔
بالی ووڈ اداکار روینہ ٹنڈن نے بھی تیندوے کے فرار ہونے کی ویڈیو شیئر کی۔
اداکارہ نے لکھا کہ ’اس خوبصورت تیندوے کے لیے دعا کریں، اگرچہ وہ بری طرح زخمی ہے لیکن امید ہے کہ وہ زندہ بچ جائے گا۔‘
Prayers for this beautiful leopard… hope he survives,even though he’s badly wounded , he escapes into the jungle . @WildLense_India I hope our politicians wake to the fact that linear development can happen hand in hand with well thought of conservation methods. pic.twitter.com/KbdhgRoaZS
— Raveena Tandon (@TandonRaveena) June 20, 2022
روینہ ٹنڈن نے لکھا کہ ’امید ہے کہ ہمارے سیاست دان اس حقیقت سے بیدار ہوں گے کہ جانوروں کے تحفظ کے لیے ہمیں اقدامات کرنا ہوں گے۔‘
سوشل میڈیا صارفین بھی ویڈیو پر تبصرہ کررہے ہیں، ایک صارف نے لکھا کہ ’ہم لوگ ہی جانوروں کو تحفظ فراہم کرنے میں ناکام ہیں‘۔ ایک اور صارف نے لکھا کہ ’انسان سمجھتے ہیں کہ ہر چیز ان کے گرد گھومتی ہے اور وہ کائنات کے مالک ہیں۔‘
