دہلی: بھارتی اسکول میں اچانک تیندوا گھس آیا اور 10 سالہ بچے پر حملہ کردیا۔
غیرملکی خبررساں ادارے کی رپورٹ کے مطابق یہ واقعہ بھارتی ریاست اترپردیش میں پیش آیا جہاں تیندوے نے اسکول میں داخل ہوکر طالب علم پر حملہ کیا جس کے باعث بچہ زخمی ہوگیا۔
اترپردیش کے ضلع علی گڑھ میں قائم تعلیمی ادارے میں اس وقت دوڑیں لگ گئیں کہ جب انتظامیہ اور طلبا کو تندوے کے گھس آنے کی اطلاع ملی۔
جانور کے داخل ہوتے ہی اسکول میں افرا تفری مچ گئی، سب نے بھاگ کر اپنی جان بچائی۔
کلاس روم میں نصب سی سی ٹی وی کیمرے کی فوٹیج منظر عام پر آگئی جس میں جانور کو چہل قدمی کرتے دیکھا جاسکتا ہے، زخمی بچے کو مقامی اسپتال میں طبی امداد فراہم کی جارہی ہے۔
خیال رہے کہ بھارت میں جنگلی جانوروں کے انسانوں پر حملے کے واقعات میں اضافہ ہورہا ہے۔
Comments
- Advertisement -
